Evaluación ESO

AVALIACIÓN E PLANTEXAMENTO PARA UN CURSO DESENVOLVIDO CON NORMALIDADE 3 avaliacións - cada avaliación vai se dividir en 3 apartados: 1. Teórico (30% da nota). Aquí compútanse todos os traballos presentados no blogue tanto teóricos(realizados en casa) como teórico-prácticos(realizados en clase e en casa) desenvoltos polo alumnado e entregados pola vía indicada(correo electrónico fundamentalmente) ao profesor. 2. Práctico (50%) Aquí compútanse todos os traballos prácticos realizados nas sesións semanais de práctica rexistrados mediante diferentes instrumentos e técnicas de avaliación das que será coñecedor o alumnado así como dos criterios e estándares de aprendizaxe usados para a devandita avaliación. 3. Actitudinal (20%) Aquí compútanse todos os aspectos vinculados a este apartado; puntualidade, respecto dos materiais, compañeiros/ as, profesorado, normas de funcionamento na materia... rexistrados mediante diferentes instrumentos e técnicas de avaliación das que será coñecedor o alumnado así como dos criterios e estándares de aprendizaxe usados para a devandita avaliación. 4. ESO: Cualificación = (probas físicas) · 0,5 + (exame teórico) · 0,30 + (producción na aula) · 0,20 A nota final do curso será a nota media (a obtida antes de aplicar o redondeo) das tres avaliacións. O criterio para o redondeo da nota final, ó enteiro máis próximo, é igual que no caso das avaliacións. Aínda que se valorará especialmente a evolución do alumno, co que non necesariamente ten que ser a nota media das tres avaliacións. Todas as notas fan media. AVALIACIÓN EXTRAORDINARIA DE SETEMBRO Na data sinalada no Centro realizarase un único exame teórico de toda a materia que durará aproximadamente 60 minutos. Cunha parte tipo test e outra de respostas curtas e/ou desenvolver. A confección do exame farase en función dos contidos mínimos da programación e atendendo ós criterios de avaliación anteriormente mencionados. Facilitarase a clave da aula virtual, material de apoio e referencias de libros de texto, da biblioteca e páxinas web onde poder estudar os contidos do exame. Debido as carácterísticas específicas da Educación Física, sería perigoso realizar probas físicas aos alumnos/as dos que no se teñen referencias sobre a súa condición física nin estado de saúde. Na maoiría dos casos, os alumnos/as que teñen que presentarse a setembro son alumnos/as que teñen un alto grao de absentismo escolar na clase de educación física, polo que o coñecemento da condición física dos mesmos é moi escaso. É máis seguro para a integridade física deste alumnado non realizar probas físicas.